पञ्चायत’ को टिजर

वैशाख २०, २०७४- झन्डै ५० वर्षअघिको नेपाली समाजको कथावस्तुमा आधारित भनिएको फिल्म ‘पञ्चायत’ को टिजर रिलिज भएको छ । प्राचीन संस्कृति झल्काउने गरी बनाइएको ‘पञ्चायत’ को लेखन पनि यसका निर्देशन शिवम अधिकारीले नै गरेका हुन् । टिजरमा फिल्मका मुख्य कलाकार नीता ढुंगाना र सरोज खनाललाई देख्न सकिन्छ ।
जेठ १८ गते चितवनमा प्रिमियर गर्ने तयारी गरिएको उक्त फिल्मको रिलिजअघि अमेरिकामा पनि विशेष सो गरिने बताइएको छ । फिल्ममा नीता र सरोजका साथमा रुपा राना, गीता अधिकारी, गणेश गिरी, जाहान्वी बस्नेत, विशाल पहारी, किरण थापा, राजुबाबु श्रेष्ठ लगायतको अभिनय छ ।
फागुन १८ देखि देशव्यापी प्रदर्शनमा आउन लागेको ‘पञ्चायत’ सुशान्त श्रेष्ठ र शंकर सुवेदीले निर्माण गरेका हुन् । टंक बुढाथोकीको संगीत र रामेश्वर कार्कीको छायांकन रहेको फिल्मका कार्यकारी निर्माताका रूपमा सञ्चारकर्मी रवि अधिकारी छन् ।