कपिलको शो बन्द हुने, सलमानले गर्ने भए कपिललाई रिप्लेस

मुम्बई । अभिनेता सलमान खान फेरि ‘दस का दम’ मार्फत टेलिभिजनमा फर्किने तयारीमा छन् । केही भारतीय मिडियाले सलमानको कार्यक्रमले कपिल शर्माको कार्यक्रमलाई रिप्लेस गर्न लागेको लेखेका छन् ।
अहिले कार्यक्रम निर्माणको विषयमा टेलिभिजन च्यानल र सलमान खानविच कुराकानी भइरहेको छ । यदि कुरा मिल्यो भने ‘दस का दम’को तेस्रो श्रृङ्खला जुलाइदेखि सुरु हुने छ । सन २००८ र २००९ मा यो रियालीटि शोको पहिलो र दोस्रो श्रृङ्खला प्रशारण भएको थियो ।
सुनील ग्रोवर, चन्दन प्रभाकर र अली असगरले ‘द कपिल शर्मा शो’ छोडेर गएपछि उक्त शोको टिआरपी घट्दै गएको छ । कुनै वेला उत्कृष्ठ १ मा पर्न सफल उक्त कार्यक्रम अहिले उत्कृष्ठ १० सूचीवाट समेत बाहिरिएको छ ।
यही महिनाको प्रारम्भमै च्यानलले कपिललाई कार्यक्रम बन्द गर्ने अल्टिमेटम दिएको चर्चा थियो । कपिल सुनिललाई कार्यक्रममा ल्याउन असफल भएपछि टिभी च्यानलले कार्यक्रम बन्द गर्नेसम्मको चेतावनी दिएको थियो ।
गएको १६ मार्चमा अष्ट्रेलियामा कार्यक्रम सकेर फर्किने क्रममा हवाईजहाजमा कपिल र सुनिलको विवाद भएको थियो । त्यसपछि सुनिल र चन्दन कार्यक्रममा फर्किएका छैनन् ।